محترم حضرت حکیم صاحب السلام علیکم! عبقری رسالہ جہاں لوگوں کو نئے نت فتنوں سے بچا رہا ہے ان کے روحانی مسائل اور بیماریوں کا حل گھر بیٹھے ان کی دہلیز پر پہنچا رہا ہے۔ لوگ درد ر بھٹکنے کی بجائے اپنے مسائل کا حل خود نکال لیتے ہیں۔ اسی طر ح اس رسالہ میں شائع ہونے والے طبی ٹوٹکے لا علاج اور پیچیدہ بیماریوں میں الجھے ہوئے مریضوں کےلئے شفاء کا سچا اور انوکھا پیغام ہیں۔ اس کے لئے میں بھی ایک ٹوٹکہ آپ کی خدمت پیش کر رہا ہوں۔ ھوالشافی : ایک بوتل میں صاف پینے کا پانی بھر لیں ‘ اس میں ایک عدد چھوٹی الائچی، ایک عدد بڑی الائچی ، ایک عدد کالی ہرڑ ‘ ڈال دیں۔روزہ افطار کرنے کے بعد یہ پانی وقفے وقفے سے پینا ہے اور رمضان کے علاوہ باقی دنوں میں سارا دن یہی پانی استعمال کریں‘معدہ‘ جگر‘دل کے امراض کے لئے بے حد مفید ہے۔ تبخیر ، گیس نہیں ہو گی‘ طبیعت میں فرحت تروتازگی اور جسم ہلکا پھلکا رہے گا‘ رمضان کا مہینہ بہت خوشگوار گزرے گا۔(محمد غضنفر، کوٹ ادو)